مـــــثـــــل كــــل يـــــــوم ...!

اليوم .. مثل كل يوم

تغيب الشمس .. يطلع قمر

والخلق اللي بالليل ماهي نفسها اللي بالنهار

فيه اللي يقسى وفيه اللي يلين

وفيه ناس بالفرح مختصه

ماتعرف الحزن

وناس بالهم غرقانه

ما ذاقت الفرح ..

اليوم مثل كل يوم ..

فيه بشر ما تفكر إلا بنفسها

وفيه بشر شايله هموم غيرها

وفيه من يناقض نفسه ..

وفيه اللي متمسك مبدأه ..

وفيه اللي مايبي يعرف شي ..!

اليوم .. مثل كل يوم

فيه قلوب تلتقي أول مره

وقلوب تودع عشرة عمر ..

قلوب تجرح..

وقلوب تجدد جروحها ..

 

مثل كل يوم ..

المسافات اللي بين أرواحنا تكبر

كلن فينا له طريق

كلن فينا عايش لنفسه ..

محد طايق من الثاني سلام

ولا أحد يبي من الثاني سؤال

وخلك بعيد ..

غلاك يزيد!

 

اليوم مثل كل يوم ..

مافيه شي جديد ..

وخوفي يوديني ويجيب ..

أنا مثل ما أنا ..

وهم مثل ما هم

مدري بيطول صمودي ..

ولا بعد .. بيجيني يوم !

 

التعليق غير معنون

02/16/2007

،

11:56 م

.. من قبل ryan

..

..

مساء الخير Hardy Girl
جميلة تلك الكلمات وتصف جزء كبير من الحياة
كانت حقيقة اكثر من كلمات ولايزال هنالك جانب
من الأمل لغد مشرق
تحياتي لقلمك الراقي
دكتور ريان

التعليق غير معنون

02/17/2007

،

12:21 ص

.. من قبل 3mar

..

..

.
.
.
.
.
.
.
.
.
.
.
.
.
.
.


شيّق هو ما يتخالج بالصدور .. فتفوح به الانامل .. كلمات وجُمل ..

حقاً .. دُرر وليس كلام !

التعليق غير معنون

02/17/2007

،

12:43 ص

.. من قبل abdullah2007

..

..

يجيك يوم سعيد ... مشرق وجميل.
احساس لا يماثله الا رشاقة العباره.
حفظك الله.