انتهى السمستر الأول للسنة أولى ( تخصص ) أخيرا .. ومابقول على خير لين تطلع النتايج ..

صراحة .. مر كأنه سنة !!! أحس أننا في إجازة نهاية العام لولا الحقيقة المرة أن الإجازة هذي أسبوع بس !!

دوام أقصر من السنة التحضيرية .. بس really stuff!!  يعني كيف نقضي هذا الوقت وليس كم نقضي من هذا الوقت !!

أتكلم أولا عن تخصصي وعن المسز والدكتورات اللي يدرسوننا فيه ..

 Interior designer ( تصميم داخلي ) .. 16 بنت بس وكلنا قروب واحد وش حلاتنا!!

6 مواد ..

Introduction to interior design مع مس قريسيا وهي الأكاديمك أدفايزور للتخصص ..

Foundation of 2-D design مع مس فللي مدري ويللي >> خلص السمستر وللحين ماثبتت الاسم ولا حفظته !!

Physics of interior design مع عروس الشرق مس إليزابيث .. ولا يغركم اسم المادة .. ماتقرب للديزاين لا من قريب ولا من بعيد .. يعني كمالة عدد !!

Calculus مع دكتور فلوريدا .. آآآآخ بس خلوني ساكته لا أضيع مستقبلي إذا فتحت فمي بكلمة !!  كله كوم والفاينل اللي جابته كوم ثاني .. أظن إني بنزل إعلان ( مطلوب قاتل مأجور في التو واللحظة !! )

Chemistry مع دكتور شيبا لبى قلبها يا ناس .. فديت الآدمية هذي .. محد فاهمنا غيرها !!

أخيرا Practical grammar مع دكتور نضال .. وهذي المادة الوحيدة اللي ندرسها بالعربي .. بمعنى آخر ( نحو ) ..

في بداية السنة مثل كل الطلاب في أنحاء العالم .. متحمسة وناوية أبدع .. كنت أفكر في نفسي لما أصحى الصبح .. انه إذا أنا حابه تخصصي و لا أحد جبرني عليه و قررته بملء إرادتي .. لازم أثبت نفسي ولازم أكون قدها ..

التخصصات الثانية يحسدوننا لأن منهجنا يضم رحلات و معظمه شغل وعملي ومرفهين وموفر لنا كل شيء!! ..

بس الحماس ما دام فترة طويلة .. بدأ الشغل يكثر و بدأت الأخطاء و بدأ الصبر ينفذ .. قلق صراحة انك تعيد تصميم من جديد بس لأنك أخطأت في القياسات أو شفته من منظور ثاني مثلا وفرته فيه على انه شيء معين .. وفيه نظرية تقول ( مافيه مصمم كامل ودقيق في العالم ) يعني لو كان تصميمك برفكت و كل شي ..راح تأخذ 9 من 10 .. لأن ببساطه لازم فيه نسبة خطأ في الرسم لو ,0009% !!!

بدأت أحس بالرتابة .. علاماتي تتراوح بين الـ6 و الـ9 وشغلي كله حسب المود والمزاج .. أنا عارفة إن هذا مو مستواي !!

والمعضلة الكبرى .. الفيزياء !!! .. وأنا اللي طول عمري مغرمة في المادة هذي و مستواي حلو فيها .. جبت العيد !!!

طبعا بسبب مدرسة المادة .. من جهتي .. أنا ما أشوفها تقدم المعلومة لنا بطريقة مقنعة .. !! تعطينا الفيزياء كحقائق مسلم بها .. الآكسنت و صوتها كان له دور في الموضوع خصوصا إني دائما أجلس في الأول !!

الكتاب ما يساعد أبدا .. 1400صفحة ولا فيها هرجة صاااحية !! أظن مؤلفة بس حب يكلف على عمره وما كان فيه داعي أبدا!!

وأخيرا الكلااااس والديزاينرز .. وصلنا لمرحلة اننا يأسنا نفهم المادة هذي فصرنا نطنش ولا نهتم ..!!

جاء الميدتيرم .. وجاءت الصاعقة !!! اختبار الانترودكشن ( مادة التخصص ) .. جبنا العيد فيه .. و طلعت النتائج رسووووب الغالبية الساحقة .. طبعا رحنا لمس قريسيا و صحنا و ناقشنا و حاولنا .. ما أدري .. ماحسيت ان كل هذا له داعي .. خصوصا انها حاولت تنجحنا وحذفت بعض الأسئلة .. بعد ما انتهى الكلاس والزحمة .. وعندما همت مس قريسيا بالخروج .. لحقتها ..

قالت .. what else .. I told the girls I'm ganna check your papers again!! ..

قلت لها مو هذا اللي أبيك فيه ..

I just wanna say I'm so sorry .. don't check my paper again .. if you give me marks I don't deserve it , then I wont be good designer anymore.. even when we say the exam was the worst .. I think we have to work harder because this's our major !!

توقفنا في منتصف الممر.. وناظرتني .. فكرت شوي في شيء تقوله ..

Look Faz .. I know the exam was so hard .. I believe you can do better than that but you just need a chance to know how the questions ganna be come , what you need to study & what you need to pass through it only  .. this's the first exam for you in your major.. so I'll check the papers again then I'll revise with you ..

don't worry .. I'm sure you will do good job next time..

ابتسمت لها وشكرتها .. وانحل الموضوع ..

ويا فرحة ما تمت .. اختبار الفيزياء .. نجح 9 بنات بالكلاس بس !!

الامتحان كان معقول بس المشكلة كانت في الوقت .. ساعة ونص بس ما أمدانا نسوي فيها شي .. اعترضوا البنات و نددوا .. بس لا من مجيب .. أعطونا 10 دقايق بس نحبر فيها اللي حليناه !!

عموما أظن إني كنت واحدة من أسوأ 3 أو 4 طالبات في كلاس الفيزياء !!

نادتني مس إليزابيث و تكلمت معاها وقالت انها تعرف ان مستواي حلو في السمستر اللي راح بس السمستر هذا عندي مشكلة ولازم تنحل وبتساعدني على الأقل لأنها حست بمبادرتي ..

قلت لها ان كلاس الفيزياء دائما في نهاية اليوم وأكون مصدعة و نعسانة ومو مركزة وأبغى أخلص بس وأمشي البيت ..

و أن جو الكلاس ما يساعد .. أنا هادئة ولا أحب أرفع صوتي ودائما البنات يتكلمون ودائما هي تصرخ وأنواع الإزعاج .. عشان كذا تشوفني أحط مطاط أو قطن أحيانا في أذني .. طريقة شرحها نوعا ما ما تأخذني بالتدريج .. فجأه ألاقي نفسي قدام مصطلح عجيب له قانون خاص .. والحق أن السمستر انتهى و أنا للحين أحفظ وأعرف أسماء مصطلحات فيزيائية كثيرة بدون لا أعرف معناها على الأقل بالعربي !!!

أخيرا سألتني قالت أن السمستر كله عندنا 9 assignments وأنتِ سلمتيني 5 بس .. ليش ؟

قلت لها إني أحل اللي أعرفه وأحاول قد ما أقدر أبذل مجهود على واجبي .. كحقيقة ثابتة .. اليوم اللي فيه واجب فيزياء .. الكلاس كله ورق رايح جاي .. أحيانا كل بنت تحل سؤال مختلف و نتبادل بيننا .. نفس الحلول تتشابه .. نفس الأخطاء لنا كلنا !!

قالت ok.. but we don't give marks for honest !! .. قلت لها مشكلتكم !!

وإلى نهاية السمستر وإلى أن أتأكد من نتيجتي بتم شايله همه !!

يتبع لاحقا ..>>