أنا و العنكبوت! [مغامرة]

من الأشياء التي ترعبني .. وتشيب رموشي منها .. العناكب وبلا مبالغة !!

استيقظت على رنين منبه الجوال على صباح كل مافيه راااايق .. نهضت من سريري الحريري المطرز بحبات التوت وأغصان النعناع و شراشفي التي بلون السماء مع غيوم كغزل البنات  

المهم ..

قاومت بقايا حلم في رأسي و غسلت وجهي .. مددت يدي لمنشفتي و صعقت  ....!!

كان عليها عنكبوت كبـــــــيـــــــــر ما أدري من وين جاء  !!

ورجـــولــــه طـــــويــــلــــــة !! .. أكثر نوع أكرهه

بالكاد ابتلعت ريقي ..

يااااربي .. وش ذا التخرع و الربشه من الصبح .. .. حسيت أن صباحي انقلب مأساوي ..

بقيت لحظات .. ربما دقائق أتأمله .. و أدعو في سري ..

يااارب تحنن قلب العنكبوت علي ويمشي من حااااله

ياااارب لا يسوي فيني شي ...<< تكسر الخاطر 

 يااااارب تراني عزلاء من أي سلاح

تحركت شوي .. شوي .. حتى لا يسمعني و يتحرك ..

ثم ركضت مثل الهواااا .. جبت البف باف حتى أقضي عليه ..  

رشيت شوي .. بس تحرك و تخبى ورا المنشفه ..

فقررت اني أشيل المنشفة و أرميها حتى يطلع .. وللإحتماء صعدت على جزيرتي - سريري سالف الذكر - .. يعني إحتياطا في حال انطلق في أي جهة وأنا ما أدري ..

ورميت المنشفة بسرعة .. بس ماكان فيها شي !

رميت باقي الأشياء اللي كانت معلقة .. طرح .. مناشف ثانيه .. عبايات .. وكلها ماكان فيها شي ..

وأرضية غرفتي صارت ماتبان من الأشياء المنثرة عليها .. والعنكبوت اختفى ..

فلبست للجامعة بسرعة ورشيت الأرض كلها بف بااااف ..و أخذت طرحتي وعبايتي بعد ما نفضتهم وعطرتهم بف باااف لا يكون فيهم شي ..

قفلت الباب حتى لا يفكر  يهرب لأي مكان وينجو ويداهمني مره ثانيه ..

نزلت .. وأفطرت مع أهلي .. تقريبا هدأت ..

وأنا طالعه .. لفيت طرحتي .. حسيت بشيء يتحرك .. يتحرك على رقبتي .. تحت الطرحة ..

و ..

آآآآآآآآآآآآآآآآآآآآآآآآآ << راحة بين الصيحتين .. >> آآآآآآآآآآآآآ << بالعه كتاب نحو ..

و كل اللي في البيت تجمعوا حولي ..

و فسخت الطرحة والعباية وكل شي و كنت بركض لغرفتي .. بس تذكرت انه ممكن ينتظرني هناك ..

مسكني أبوي .. وش فيك ؟! .. ليش خايفه !؟

قلت له في عنكبوت على رقبتي ..

ضحك علي .. بعدين ضحكوا كلهم ..طليت في المرايه .. ماكان فيه عنكبوت .. العنكبوت باقي محاصر في غرفتي ..

بس اللي على رقبتي خصلة من شعري نزلت لما لفيت الطرحة .. ووقفت لي قلبي .. << حست ان مااالها داااعي ..

بس والله كان صباح رهيب ومايسوى علي .. !

أطمنكم .. رجعت العصر من الجامعة ولقيت العنكبوت ماقاوم كثير .. ومات .. حتى في موتته شرير .. مات عند شاحن الاب توب عشان ما أقرب للشاحن ..

بس ما مشت علي .. وبلعته المكنسه .. غير مأسوف عليه ..

يستاهل00

03/12/2008

،

01:40 ص

.. من قبل rodhawp

..

..

يستاهل00تحياتى

مضحكة قصتك..

03/12/2008

،

03:42 ص

.. من قبل alsareeh

..

..

ههههههههههههههههههههههههههههه

يالها من مغامرة شيقة..

الله يحفظك من العناكب لا يهاجمونك مرة أخرى...


تحياتي،

ريان

خصلة العنكبوت المرعبه!!

03/12/2008

،

01:24 م

.. من قبل abdullah2007

..

..

إنما الدنيا كبيت العنكبوت

قصه مذهله
بطلتها غزاله روعتها عنكبوته

روووعه حتى وانتي مرعوبه

<i>تعليق بدون عنوان</i>

03/12/2008

،

06:10 م

.. من قبل shartie7868

..

..

الاخت العزيزه
cutest Evil
تحية الاخاء
سلاسة الحروف... وروعة الكلمات
يعكسان الحس الانسيابي لمفردات
القصه..... وصدق المشاعر التي تتاهب
لمحاربة العنكبوت اينما وجد في الطرحه
المنشفه..... الغرفه.... او السرير
اختي
بك ملكة تصوير بديع... ونقل دقيق
للاحداث باسلوب روائي رائع
لك السعد والهناء
اخوك محمد شرتاي

حرّر بواسطة shartie7868 في 03/12/2008 عند 06:12 م

لسعة عنكبوت

03/12/2008

،

08:06 م

.. من قبل جندبي

..

..

ااااه يا العنكبوتات ..
مرة وانا نايم ( انقرصت ) من عنكبوت في فخذي والله جلست اكثر من شهر وهي منتفخه وتعورني ..

يالله جات سليمة لك وحمدا لله على السلامة ..

تعليق بدون عنوان

03/12/2008

،

09:29 م

.. من قبل محمد

..

..

والله مشكلة أنتوا يالبنات عنكبوت أهو لا راح ولايجى بس ويش تقول يالله الله يعنين اللي بيتزوجكم الله يعينى أحنا عليكم والله مساكين الرجال

بنات النيدو ^_^

03/14/2008

،

10:49 ص

.. من قبل 3mar

..

..

يااي يمه عنتبوت :$

مابي امووت يذبحني .. يمه .. اذبحوه بالمنديل واااااع

( ماش بنات هاليومين ينخاف عليهم بعد ما كان ينخاف منهم ) << شعنننننننننننننننننننننننده الهيرو
ههههههههههه

امزح معك قصصك حلوه وبريئه
وبما انك ذكرتي العناكب .. انصحك تشوفين سبايدر مان 3
شي .. صراحه .. فلم اكشن وخيال ..

+ رعب < بالنسبه لك طبعاً ههههههههه

يالله تحياتي



ملاحظه : بالعاده < هذا الشخص ما يكتب تعليق كثير
بس الله من فضوة الدوام والطفش .:*_*:. ..

وكان على همه سرى ! ..


عُووومر